Ration Card : डिजिटल इंडिया मोहीम आता सर्वसामान्यांचे जीवन अधिक सुलभ करत आहे. केंद्र सरकारने नागरिकांना मोठा दिलासा देत रेशनकार्ड (Ration Card) काढण्याची प्रक्रिया पूर्णपणे ऑनलाईन केली आहे. यासाठी आता सरकारी कार्यालयांत रांगा लावण्याची गरज नाही, कारण ‘उमंग ॲप’ (UMANG App) च्या माध्यमातून नागरिक घरबसल्या नवीन रेशनकार्डसाठी अर्ज करू शकतात.
या सुविधेमुळे केवळ वेळेची बचत होणार नाही, तर संपूर्ण प्रक्रियेत पारदर्शकता वाढण्यास मदत होणार आहे.
‘उमंग ॲप’ म्हणजे काय?
उमंग (UMANG) चा अर्थ आहे ‘Unified Mobile Application for New-Age Governance’. हे एक असे ॲप आहे, जे केंद्र आणि राज्य सरकारच्या अनेक महत्त्वाच्या सेवा एकाच ठिकाणी उपलब्ध करून देते. बिले भरणे, पेन्शन योजनांचा लाभ घेणे आणि आता रेशनकार्डसाठी अर्ज करणे यांसारख्या विविध सुविधांचा समावेश यात आहे.
पूर्वी रेशनकार्ड काढण्यासाठी कागदपत्रे घेऊन कार्यालयात जावे लागत होते. मात्र, आता उमंग ॲपमुळे संपूर्ण प्रक्रिया डिजिटल, पेपरलेस आणि सुरक्षित झाली आहे.
Ration Card साठी ऑनलाईन अर्ज करण्याची प्रक्रिया
उमंग ॲपचा वापर करून रेशनकार्डसाठी अर्ज करणे अतिशय सोपे आहे. खालील सोप्या पायऱ्या वापरून तुम्ही अर्ज करू शकता:
- ॲप डाउनलोड आणि नोंदणी:
- तुमच्या मोबाईलमधील गुगल प्ले स्टोअर (Google Play Store) किंवा ॲपल स्टोअर (Apple Store) वरून उमंग ॲप डाउनलोड करा.
- तुमचा मोबाईल नंबर वापरून ॲपवर नोंदणी (Registration) पूर्ण करा.
- ‘सर्व्हिसेस’ विभागात जा:
- ॲपच्या होम स्क्रीनवर ‘सर्व्हिसेस’ (Services) किंवा ‘सेवा’ विभागात जा.
- येथे ‘युटिलिटी सर्व्हिसेस’ (Utility Services) निवडा आणि त्यामध्ये ‘रेशनकार्ड’ पर्याय निवडा.
- अर्ज प्रक्रिया:
- ‘ॲप्लाय रेशनकार्ड’ (Apply Ration Card) या पर्यायावर क्लिक करा.
- तुमचे राज्य निवडा. (सध्या ही सुविधा चंदीगड, लडाख, दादरा आणि नगर हवेलीमध्ये उपलब्ध आहे; लवकरच ती सर्व राज्यांमध्ये सुरू होईल.)
- माहिती भरा: अर्जदाराचे नाव, वडिलांचे नाव, जन्मतारीख, पत्ता आणि कुटुंबातील सर्व सदस्यांची आवश्यक माहिती अचूक भरा.
- कागदपत्रे अपलोड करा:
- आधारकार्ड आणि पत्त्याच्या पुराव्यासारखी आवश्यक कागदपत्रे स्कॅन करून किंवा स्पष्ट फोटो काढून ॲपवर अपलोड करा.
- अर्ज सादर करा:
- भरलेली सर्व माहिती आणि अपलोड केलेली कागदपत्रे व्यवस्थित तपासा आणि ‘सबमिट’ बटणावर क्लिक करा.
- स्थिती तपासा:
- अर्ज सबमिट झाल्यावर तुम्हाला एक अॅकनॉलेजमेंट नंबर (Acknowledgement Number) मिळेल. या नंबरच्या मदतीने तुम्ही ॲपमध्येच तुमच्या अर्जाची सद्यस्थिती तपासू शकता.
रेशनकार्डचे महत्त्व
रेशनकार्ड हे केवळ एक ओळखपत्र नाही, तर गरीब आणि गरजू कुटुंबांसाठी ते ‘जीवनवाहिनी’ आहे.
- खाद्यसुरक्षा: सार्वजनिक वितरण व्यवस्थेअंतर्गत (PDS) स्वस्त दरात धान्य, तेल आणि साखर मिळवण्यासाठी रेशनकार्डची आवश्यकता असते.
- योजनांचा लाभ: खाद्यसुरक्षा योजना, एलपीजी गॅस सबसिडी आणि इतर अनेक महत्त्वाच्या कल्याणकारी योजनांचा लाभ घेण्यासाठी रेशनकार्ड हा प्रमुख दस्तऐवज असतो.
सरकाने उचललेल्या या डिजिटल पावलामुळे ग्रामीण भागातील नागरिकांना मोठा दिलासा मिळाला आहे. तुमचा वेळ वाचेल आणि कोणताही मध्यस्थ किंवा अतिरिक्त शुल्क न भरता, तुम्ही सुरक्षितपणे सरकारी योजनांचा लाभ घेऊ शकाल. ज्यांच्याकडे रेशनकार्ड नाही, त्यांनी आजच उमंग ॲप डाउनलोड करून या सुविधेचा लाभ घ्यावा.
